بقلم / احمد وهبى حسين
أنا إيه ذَنبى
كلمة جارحة
تُدمى القلوب على حال سوريا بوقتنا هذا!!
انا إيه ذنبى
كلمة قالتها طفلة
فقدت اهلها وابويها
أنا إيه ذَنبى
كلمة تُعبر عن مشاعر حزينة
أُوصدت بِوَجهها كُل النوافذ والأبواب
طِفلةٌ سُوريةٌ وَمِن حَلب
تَعيشُ الأحْداث
وَتَتْذوَقُ المَرارةُ أَلوان
لا هى قَتلت حد
ولا شَتمت حد
مُشكلتها ساكنه فى حَلب
وبين الجدران
أنا مُش شاعر
ولا سياسى
ولا بياع كلام
كل القصة شاهدت الفيديو
عينايا زرفت دموع من الأحزان
أنا إيه ذنبى
طفلة حَلبية ومن سوريا
قالتها وقت الأزمات
وبتقول ليه بتعملوا كده
هل سارعتكم على المناصب
ولا خطفت اللقمة من أيديكم
ولا قولت لكم اخرجوا من البلاد
انا طفلة حَلبية
نفسى أعيش وسط بابا وماما
انا ايه ذنبى ياحكام
هل عيبى انى اتولدت فى سوريا
لكن إيه ذَنبى
أنام بالدموع والحسرات
واستيقظ على الضرب والتفجيرات
يُخرجوننى من وسط التراب
العديد من المرات
يا بشار انا إيه ذَنبى
ليه بِتدمر بيتنى وبيت زمايلى
عايز مننا إيه
احنا ماقولناش اترك الحكم
ولا ابعد عن الأموال
عارفين انك وارثها من باباك
لكن فين بابايا وبابا كل واحدة زميلتى
لو انت ماضربتناش
ليه تسيب اللى يضربنا
مش انت زى بابا
ومسئول عَنِنا
يابشار يارَيسنا
ياللى بِتضربنا او مش قادر تِحمينا
انا إيه ذَنبى
كان نفسى أتعلم
وابقى مدرسة او دكتورة
او مهندسة او ربة بيت
واقولها لكل الناس
بابا بشار ريحنا
وخدمنا
لأته زعيم وبيحب كل الناس
أنا إيه ذَنبى
كلمة تَحمل معانى كبيرة
بداخلها عواطف جياشة
تهجم كل القلوب
وتطرق ابواب السماوات
أنا إيه ذَنبى
حَرام اللى بيتعمل فينا ده
إحنا أطفال
عايزين نلعب
ونعيد ونلبس كل يوم جديد
انا ايه ذنبى
انا ايه ذنبى
انا ايه ذنبى
